Nòno, grazie di dut chel che tu nus as insegnât cun  la tô semplicitât ...

Ti ricuarditu cuant che ducj nô ti spietavin cun la nòne, la domenie di sere, prime di molgi, par spietâ lis caramelis, se tu vevis vinzunt zujant a cjartis?...

Dapît da stradute, dongje la stale, al vignive fûr un omp, un grant omenon cun- tun riduçâ di frut... e, se tu ridevis al voleve dî ca jerin bombons sigûrs par ducj... Si!

Parceche, a lì di SìSì, ducj ti cognossevin pas tôs bocjis, e tal ultin dome bocjis... e, se tu vinzevis, tu volevis, al puest dal taj, che 'a dan di solit, bombons pai nevôts...

Grazie par l'amôr, la fuarce di volontât, l'onestât, la gjenerositât l'esempli tal lavôr e inta famèe che siguramentri 'o puartarìn simpri cun non e nus darà la voe e la fuarce di lâ indenant inte vite...

'O volìn ricuardâti come che tu sês simpri stât... la to espression di serenitât e armonie cul mont e cun te stès...
i tiei doi voi che ancje inte soference de malatie 'e jan savût trasmeti sperance e amôr cun nocenze di chel che al à simpri il cûr in man...

Grazie nòno: ti augurin semplicementri di ricevi tant amôr come che tu as savût danus.