1077-2001: A Bordan la Fieste pai 924 agns de Patrie dal Friūl
Domenie
prin di avrīl dal 2001, Bordan al darą acet a lis manifestazions pe fieste de
Patrie dal Friūl, inmaneadis cu la colaborazion di diviers ents e associazions
locāls e coordinadis dal Istitūt Ladin Furlan "Pre Checo Placerean"
che al ą sielt chest comun tant che sīt pe comemorazion dai 924 agns de nestre
"Piēule Patrie".
Cun cheste fieste si celebre il ricognossiment, tal 1077, di
une prime autonomie aministrative ai patriarcjis dal Friūl. In chel an, l'imperadōr
dal Sacri Roman Imperi Enrico IV, al ą dāt titul di duche e il feudi dal
Friūl al Patriarcje di Aquilee Sigeardo, ricognossint cussģ a chel in plui dal
podei spirituāl che za al veve, ancje la autonomie ministrative e politiche. Cu
la date dal 3 di avrīl dal 1077 si rivuarde propit cheste prime concession di
autonomie, e si fās partī di li la nassite de nestre "Patrie dal Friūl".
A Bordan,
di cualchi an in ca cognossūt fin fūr dai cunfins nazionāi tant che "Il
paīs des paveis", innomenāt e preseāt pes sōs iniziativis culturāls,
artistichis e ambientāls, e - massime - pai siei famōs murales, si davuelzarą
duncje la fieste pai 924 agns de Patrie, cuntun program insiorāt di tantis
ativitāts culturāls, artistichis, musicāls e vie indenant. Ma parcč propit
culģ, cheste fieste?
Parcč che tal 2001 al cor ancje l'aniversari dal
vicjecinchesim dal taramot, che culģ al ą vūt il so epicentri e che al ą
trasformāt in mūt radicāl la vite di dute cheste zone, no dome dal pont di
viste urbanistic e ambientāl, ma ancje - soredut - sociāl, economic e
culturāl. Fin cualchi an indaūr, di Bordan si fevelave simpri tant che aree
margjināl di alc, a cjaval tra la Cjargne e il Friūl, pierdūt intune "tiere
di nissun",cence gruessis prospietivis e destināt a murī come tancj
comuns montans. Margjināl parcč che simpri periferie di alc, massime a pet di
zonis economicamentri plui "sanis" e svilupadis, plui curadis dai
nestris politics, ma ancje parcč che, inmņ pōc prime dal taramot, al jere
leāt a une imagjin di bandon, miserie e problematichis sociāl che no lave d'acuardi
cu la muse che si voleve dā di un Friūl plui di cartuline che reāl, leāt a
valōrs che forsit no esistevin za plui.
Par Bordan lis stradis a son simpri stadis stretis e in salide,
tant che i trois de sōs monts,fruāts dal lā e tornā di milions di pas de sō
int, e tornā a tirāsi sł, daspņ une disgracie come chź dal taramot, al
pareve improbabil. Si č dit te sō storie cetancj viaēs "Bordan nol č
plui, nol ą plui muse, nol ą plui int, nol varą coragjo une altre volte di
metisi in pīts": di Bordan la int e jč sfolade te prime vuere mondiāl e
te seconde; al č stāt brusāt dai todescs tal '44, invadūt dai cosacs e
netāt di chel pōc che i prins a vevin sparagnāt; savoltāt e scancelāt dal
taramot, cu la sō int sbarnizade ator dapardut.
Cui varessial podūt scometi sul so destin? Forsit dome cui
che a lu amave cussģ tant di no podź pleā inmņ il cjaf: la sō int.
Cussģ, ancje se il paīs nol veve plui la muse che si visavisi, ni i siei curtīi e i siei puartis, si ą decidūt di rimarcjā lis particolaritāts che a jerin dome di chenti, chźs che nissun altri al veve. La buine volontāt, la fuarce di anim a fasin vierzi i vōi e cjalā il mont sot une altre lūs: par chest si č lavorāt par un Bordan che si lu cognņs cumņ pardut, riferiment par tancj piēui comuns cintune culture salde ma ncjimņ "margjināl" in rapuart a alc o a cualchi altri puest.
O vin piturāt paveis, metūt in moto iniziativis culturāls che nus puartin culģ int di dute Europe e ancje di fūr; o stin tacant a viodi i risultāts economics e di imagjin dal nestri lavōr e, finalmentri, cumņ a san li chin sin e nus tegnin tant che esempli e riferiment, che nus da braure e nus fās sintī la responsabilitāt di vź metūt in pīts alc di biel e bon che ancjumņ nissun al veve pensāt.
Bordan, ai 20 di marē dal 2001
